環遊英國21天(2) - 倫敦五天遊 Day 2

行程：倫敦塔（Tower of London）／倫敦塔橋（Tower Bridge）／⁠波羅市場（Borough Market）／聖保羅座堂（St Paul’s Cathedral）／St Bride's Church

天氣影響心情，今天大家心情大好，瞓得夠精神，天氣勁勁勁好啊！

倫敦塔（Tower of London)

早上，我們在民宿煮早餐後，9:00出發去第一個景點：倫敦塔 (Tower of London)

倫敦塔是位於泰晤士河畔的歷史城堡，建於1078年，曾作為皇家宮殿、監獄和寶庫。如今，這里收藏英國皇冠珠寶，並開放給遊客參觀。塔內的“烏鴉守護者”也頗具傳奇色彩。

前往交通：乘搭地鐵the District線或 Circle lines線前往Tower Hill 站，步行５分鐘

**在倫敦塔附近的Tower Pier，可以乘搭Uber Boat by Thames Clippers，如購買London Pass的這是包括在內的景點。

倫敦塔橋（Tower Bridge）

留意返，倫敦塔橋是Tower Bridge，唔係London Bridge, 對面嗰條先係，所以就唔好諗住一路唱"London Bridge is falling down,Falling down, falling down"，我會為你感到好老尷。

倫敦塔橋（Tower Bridge）是位於倫敦泰晤士河上的一座著名開啟式吊橋，於1894年建成。它以兩座維多利亞哥德式塔樓和中間可開啟的橋面而聞名，是倫敦的標誌性建築之一。

多角度觀賞倫敦塔橋：

遠眺：從倫敦塔內或塔周圍的庭院可以看到塔橋的全貌

近景：走近塔橋時，可以細細觀賞精緻工藝和橋面兩側行人道的結構

由下而上：感受到塔橋的高度

上塔橋(付費活動)：塔橋內部還有專門的展覽，遊客可以進入塔樓並走在高處的玻璃走道上

沿路風景優美，河兩岸的景致一覽無遺，從橋上俯瞰泰晤士河水波輕漾，河面上有船隻緩緩駛過，正巧遇到一群人在橋上跑步，為這座歷史悠久的橋增添了活力。

波羅市場（Borough Market）— 食飽飽

行過倫敦塔橋，在沿河岸繼續欣賞風景，步行30分鐘，前往波羅市場（Borough Market），食品市場，可以品嚐不同的國際美食，海鮮、生蠔、生果、麵包、芝士等等，好多人啊！排隊都要排至少半個鐘，同埋，好難會有位坐，都係企埋一邊食，掃街！

我的必吃首選美食：西班牙海鮮炒飯

**在波羅市場的鄰近景點：The View from The Shard，於碎片大廈（The Shard）頂層的觀景平台。是倫敦最高的觀景台，可以360度俯瞰整個倫敦市區，如購買London Pass的這是包括在內的景點。

聖保羅座堂（St Paul’s Cathedral）

時間尚早，乘搭 17 巴士去聖保羅座堂睇望一望, 真係望一望，票價成人每位£25，太貴啦，四個人入去一陣，無左£100，最後經商討決定，唔入去。再往前走，有間St Bride's Church，入去歇一歇腳。

行咗成日，又無得坐，今日都累了，回民宿休息休息了。晚餐簡單食個意粉。

是日旅程圓滿結束！

Manchester City vs Chelsea （FA Cup）

有人中途離團，去咗睇波！

菜弟好想入球場睇波，成個旅程之中，我諗住去到曼徹斯特(Manchester)嗰轉，應該有球賽卦！點知係無！在不阻礙行程，得返一場係倫敦溫布萊球場，足總盃四強：曼城對車路士。人一世，物一世，張飛幾貴都照去，仲要係網上買飛，我自己孤陋寡聞，一日未入場，一日我都驚係被人扼！結果，當天菜弟成功睇到波的，放心晒！現場睇波既氣氛真係好好。