環遊英國21天(14-18) - 5日4夜愛丁堡篇

旅程尾聲，最後一站前往蘇格蘭首都，愛丁堡。

Day 1 前往愛丁堡/周圍行下先

由沃靈頓 (Warington)出發：於Warington Bank Quay站有直達火車前往愛丁堡市中心，車程約三小時

入住民宿：Spacious city centre apartment with stunning views

愛丁堡既住宿，都幾貴下。加上長期都好多旅客，需求大，好難搵到民宿！出發前兩日睇左好耐都無啱，感恩突然半夜醒來睇airbnb, 有唯一一間平靚正，可住六人的房子，只係要行三層樓梯。不過，環境好好。

午餐(台灣blogger推介)：The Olive Branch，堅好味，成個行程，第一次同團友食fish and clips，好彩呢個無令人失望。

周圍行下先啦！視察環境，感受下個城市！M&S買糧食, 煮飯, 休息，是日民宿窗外的日落，美滿。期待明天。

Day ２ 卡爾頓山（Calton Hill）／⁠St. James quarter／Royal Mile手信街／愛丁堡城堡（Edinburgh Castle）／⁠蘇格蘭國家博物館（Nation Museum of Scotland)

愛丁堡市內景點，好簡單，點與點的距離好近。

卡爾頓山（Calton Hill） :  5分鐘就可以登頂，俯瞰山下景色，山上又多打卡位。可惜今日大風了一點，多雲無咩陽光。天無永遠常籃，特別在英國。

午餐：St. James Quarter 搵野食, 上左四樓Bonnie & Wild 美食廣場，幸好，在這裡找到一些白米飯給菜媽暖肚

⁠Royal Mile手信街：位於舊區的Royal Mile, 樓梯較多和斜路真係好斜，舊區道路較窄。沿路有一些特色小店、售賣威士忌店、一式一樣的手信鋪、有穿蘇格蘭裙的人在演奏，人流很多，氣氛好熱鬧。

⁠愛丁堡城堡（Edinburgh Castle）：於Royal Mile,的盡頭，團友們就唔想再睇城堡，所以到此一遊，門口影下相。如想參觀城堡，需網上預約及購票。

蘇格蘭國家博物館（Nation Museum of Scotland) ：時間尚早，意猶未盡，去埋就近的蘇格蘭國家博物館，除12月25及26日外, 每日10:00至17:00開放，費用全免。樓高四層，佔地面積很大，出名展品第一隻複製羊（Dolly）的標本。

行左成日，團友都終於覺得疲倦，回程Uber返民宿，再買餸自煮晚餐。

很喜歡這款連包裝一齊焗既雞，好味又方便。

Day ３ 參加本地團，遊覽蘇格蘭@尼斯湖、格科倫、高地一天遊

蘇格蘭的風景與英國其他城市的有好大分別，在這裡可以觀賞湖光山峰，但如果唔係楂車都難去到，所以一早為團友們預訂本地團一日遊。不過，如果時間許可，會建議參加三天團，可以睇盡Ｄ！

由愛丁堡出發要坐2-3小時先去到第一日景點，朝早7:15報到，7:45開車出發，12小時旅程，晚上8:00先解散。16人一團的旅遊巴，導遊兼司機，一邊楂車一邊講解。由於車程都頗長，每個景點都是落車影張相打卡，逗留10分鐘，會安排廁所位。

行程景點，包括：

1.尼斯湖 （Loach Ness) ：逗留得兩個鐘，我地無選擇去坐船遊湖，選擇咗食午餐和散步

2.高地 （Highland Perthshire)

3.蘭諾赫澤地 （Rannoch Moor)

4.格倫科 （Glencoe)

5.大格倫 （Great Glen)

6.奥古斯堡 （Fort Augustus)

7.格蘭扁山脈 （Grampian Mountains)

雖然好早起身，同時間長，但最舒服的一天，唔洗用腦，上車落車，享受大自然的壯麗。

晚餐：返回愛丁堡St. James Quarter 地下Thai Express Kitchen ，食泰國野，泰國菜都好啱亞洲人的胃口。

Day ４ 自由活動／法國菜午餐／愛丁堡皇家植物園（Royal Botanic Garden Edinburgh）

愛丁堡之旅第四天啦！基本上要行都行晒。

上午：自由活動

午餐：Le Bistrot法國餐，好味呀！呢間野都算經濟。

下午：愛丁堡皇家植物園 （Royal Botanic Garden Edinburgh，RBGE），去睇下花。

晚上：回府煮飯，品酒。來到蘇格蘭當然要試下威士忌

行程真係尾尾尾聲…….，明天大家就要分道揚鑣。。。唔捨得…….

Day ５分道揚鑣

受7-9/5火車大罷工影響，團友們必須提早返到倫敦，準備坐飛機回港，於是我和團友們在愛丁堡火車站，作最後的道別，不禁淚出了眼淚，依依不捨！

送別團友後，我再留愛丁堡一陣，參觀蘇格蘭國家畫廊（Scottish National Gallery），免費入場

愛丁堡最後午餐：Mussel Inn, Edinburgh，必食青口

兩個人，好似叫左好多野食。。

愛丁堡之旅，就此結束了。

旅程日期：3-6/5/2024