環遊英國21天(8) - 由倫敦前往沃靈頓 (Warrington)的六天遊 Day 1

行程：體驗英國火車delay的日常 ／ 體驗英國人的生活日常 Tesco Extra

是日玩搭火車，由布萊頓(Brighton)返倫敦(London)，再由倫敦前往西北部城市沃靈頓 (Warrington), 咁就成日! 點解會選沃靈頓為中心點? 純粹因為本人住沃靈頓, 家人當然想來了解我的英國生活啦!

---

體驗英國火車delay的日常：要有心理準備！

Brighton --> London --> Warrington

Brighton無直達火車到Warrington，需要返回倫敦再轉火車。由倫敦北上的火車站，只有London Euston，所以，由Brighton返回倫敦, 會選擇London St Pancras International ，步行11分鐘就可以前往 London Euston。早少少去到食個快餐。準備等火車。

常要有火車延遲同即時取消班次的心理準備。當刻水牌一直顯示班次延遲, 未有確實時間, 成個火車站都是人, 等待通知，一直等。。。等。。。等。。。，直至水牌顯示火車開出的時間, 又要等。。等。。。通知邊個月台，等到發呆和好焦急！最後等咗一個鐘，最後在火車開出前幾分鐘，先知邊個月台。時間緊逼, 大家要爭先跑去月台, 咁啱我地係車廂A, 仲要跑上車頭。一人拖住一個大行李狂跑, 最後順利上左車。（遲到好過取消吧！）

---

體驗在英國的生活日常

火車車程約2小時, 到達咗Warrington Bank Quay站。由於家中狹窄, 不能容納咁多人, 幫團友仔BOOK左間係我附近, 在市中心的刻心, 由教堂改建的的一間民宿：Emmanuel Church Apartments , 有三層, 地下, 一樓係睡房, 二樓係廚房, 客廳。這六天五夜就會在這裡安頓。

放好行李, 稍作休息, 活躍的團友們, 又要出動。咁就行下超級市場啦! 先前一星期旅遊區去到的超級市場都係比較細的, 咁係Warrington居住地區, 就會有大型的超市, 落腳第一站就會去參觀Warrington Tesco Extra, 買餸同呢幾天的糧食。太太們就係鐘意行超市, 太太們表示英國d肉好平!

是日行程完

旅程日期：26/4/2024