環遊英國21天(7) - 布萊頓(Brighton)兩天遊 Day 2

行程：七姊妹崖（seven sisters cliff）／英皇閣(Royal Pavilion) ／ Brighton i360 ／⁠Upside Down House - Brighton ／海鮮晚餐

郊遊行山, 隨時要留意天氣的變化，天文台話下午一時會落雨，咁早點出發行程。

七姊妹崖（Seven Sisters Cliffs）

是日重點會到英倫海峽海岸線 — 七姊妹崖（seven sisters）, 地方空曠海風大，記得要帶備帽子、防風防曬、三文治野餐、足夠水，吃個飽的早餐，出發。年紀大，唔吹得風咁耐，預計停留沙灘時間最多1個半小時。諗咗好耐點去會最輕鬆，研究過可以搭巴士，始終巴士要預班次，唔夠彈性，唔好搞咁多野，咁多人夾，uber來回最輕鬆方便，不要讓老人家受苦。

由Brighton市中心出發, 到Seven Sisters visitor centre，車程：約40分鐘；車費：48.8英鎊。我擔心回程的時候, 遠水路call唔到車，跟司機約定回程時間，司機又唔洗吉車走，佢都ok呀！

有唔同的路線，揀咗條最簡易路線，由Seven Sisters visitor centre, 直落到海灘，路程約1.6公里 (30 分鍾)，不過行下影下相，老人家慢慢下，我預45分鍾路程。記得係visitor centre去個廁所先！

沿路的大自然風景令人心曠神怡，很舒服的路徑！落到海灘，由下而上仰望垂直的懸崖，看到只是冰山一角，但已覺得好靚。

影相影到飽，坐在海灘上野餐，聽風的聲音，向大海放聲大叫。不過，真係唔好留太耐，一小時就折返了。計埋行路，活動大約三至四小時。

市中心景點

中午返到市中心, 景點集中, 可以步行到的距離。按時間或喜好進行遊覽。

英皇閣(Royal Pavilion)

由七姊妹崖uber回程，落車位置去了⁠英皇閣(Royal Pavilion), 印度建築風格的宮殿。不過，大家已經厭倦咗皇宮、城堡同教堂, 最終都係門口影張相, 到此一遊。

開放時間：

四月至九月上午9:30 – 下午5:45 (最後入場時間下午5:00)

十月至三月上午10:00 – 下午5:15 (最後入場時間下午4:30)

門票：成人£19

Brighton i360

來到Brighton, 加上天色很好, 我們喜歡在戶外走走, 碼頭的另一邊沿海灘步行, 沿路有售紀念品的小店, 酒吧, ⁠不要逼得行程太緊, 放鬆在這裡飲杯酒和嘆杯咖啡, 好寫意的一天。再到Brighton i360觀光塔(筆記時見到暫停營業,請留意官方網頁為準), 上空俯瞰和遠眺整個城市和海峽，壯觀!

於觀光塔旁邊，有一間倒轉咗既屋 ⁠Upside Down House - Brighton , 英國有幾個地方都有呢間屋，其中一間係Brighton, 可購買門票, 入場參觀同影相。